معلش انا مش معاكم
الكاتب ام عبدالله
| فهرس المقال |
|---|
| معلش انا مش معاكم |
| الحلقة الثانية |
| الحلقة الثالثة |
| الحلقه الرابعه |
| الحلقة الخامسة |
| الحلقة السادسة |
| الحلقة السابعة |
| الحلقه الثامنه |
| الحلقه التاسعه |
| الحلقه العاشره |
| كل الصفحات |
يوميات مسلسل رمضانى كوميدي على جنة حواء يمتد على مدار 34 يوم اى حتى نهاية رمضان
وكل سنة وانتم طيبين
البداية
اكشن
الكاميرا بتتجول فى مصر بتتمشى من شارع لشارع فى القاهره وعند عمارة كبيرة جميلة فى الدور الرابع فيها الشقة\
وهينفتح باب الشقة وندخل
استوب استوب.
الشقة دى هى الى احداث مسلسلنا اغلبها بتدور فيها
سكانها اسرة جميلة صغنتوته
بابا احمد مهندس كبير
ومامارجاء ربة المنزل الصغير
والأولاد من الصغير لكبير
محمد فى تانية اعدادي
ونهى فى ثانوية عامة
وهناء 2 جامعة
هناء بطلتنا الى احداث بتدور حوليها
بنوتة جميلة وحجابها جديد او نيولوك ماشى عالموضة
بنطلون جينز بدي كارينا الطرحة سبانش
الميكب تمام
روشة وبتحب الاغاني والأفلام
رمضان بالنسبة لها فرصة عظيمة تعالو بقى نبدا
اوك نبدأ
اكشن
الحلقة الأولى
قاعدين الأولاد فى البيت في اجازة الصيف لسة راجعين من المصيف ورمضان باقي علية يومين
الأم : يااحمد عاوزين ننزل نجيب حاجات رمضان الوقت دخل ومستعدناش لحاجة
الاب: حاضر ننزل النهاردة بليل
الواد محمد: باب خلينا نروح الهايبر ماركت فى المعادى منزلين بلاى ستيشن الجديد وانت وعدتنى لونجحت هتجيبهولي وانا ببقى زهقان وانا صايم يابابا فأتسلى شوية ....... ويبتسم يبين صفين سنانة عشان يقنع ابوة
الام: انت ياواد مبتميزش حد يقول لأبوة انت اسمها حضرتك وخلاص متقرفناش ابوك هيجيبهولك النهاردة بس تبقى اطلب حاجة تانية وشوف الى يجيبها
الواد محمد: هاتوة انتو بس ومش هطلب
نهى: الmp3 بتاعى خرب ومن امبارح مش عارفة اسمع مزيكا ومبتصلحش بابا ينفع اجيب واحد جديد؟
الاب لسه هيرد تروح الام ترد صاروخ: خلاص خلاص نبقى نجيبة
الاب يبص للأم ويسكت
الام قومو يلا نحط الغداء
هنا في غرفتها جوة تيجى جري لاختها نهى افتحى التلفزيون بسرعة بسرعة اغنية فتوح الجديدة نزلت
نهى: بجد (تفتح التلفزيون*) وتقلب تجيب قناة الاغانى
هناء: ايوه هى دى
نهى : واو شفتى النيولوك بتاعة يجنن
ويتنحو هم الاتنين قدام فتوح المغنواتي فى كليبة الجديد
الأب : ده ايه بس الى عاجبكم فية جيل مهب...... ستوب ( ميرسي بابا احمد ده الى قدرت عليه ونعم التربية) نكمل .......
قومى ياهناء اعملي كوباية شاي شكلك امك مش هتجيب الغدا
هناء : ثواني يابابا الكليب قرب يخلص (بتقولها وهى بتكز على اسنانها)
الاب المغلوب على امرة يسكت
وشوي والام تحط الاكل ويروحو يتغدو
وعلى السفرة
نهى: شفتى ياهنو الاغنية تحفة ازاي
هناء: تجنن بس البنت الياي الى معاه ذوقهم وحش اوي
نهى : فعلا البنت مش استيل خالص لو بيفهمو كانو اخدونى انا ... ستوب( ده لوبيفهمو).. نكمل
الواد محمد: ياخدوكي فين ربنا الى بياخد هههههههههههههه وبعدين انتى اخرك تطلعى عالقناة السادسة بعد ماتقفل
نهى تتعصب وتقولة : انت مالك انت سامعة ياماما ابنك بيقول اية
................"طبعا الاب ساكت لان الصمت عنده غاية مش وسيله".................
الام: سيبك منة دة بيغيظك مترديش علية وبعدين ياحبيبتى هم يطولو اصلا يطلعوكي وتكمل الام كلامها تعرف يااحمد مدام الاستاذ بهجت الى معانا فى النادي بتقولى ان بنتهاهايدي هتقدم فى ستار اكاديمي
الاب: ايوه قصدك مدام منى قالتلى وقلتلها الفكرة مش حلوه وهم احرار
الام وقالتلك لية يعنى وامتى
الاب ببرود يرد: لما كنا فى النادي اخر مرة ومستنيكى تخلصى كلام مع صحباتك وانا بتمشى قبلتها فى التراك لفينا سوا فيه وقالتلى
الام بغيظ: قالتلك حاجة تانى ؟؟؟؟؟؟؟؟
الاب ببرودة: مش فاكر ويلا خلصو غدا هنروح دلوقتى نجيب الطلبات:
الام: انت مش قلت بليل؟
الاب : لا بليل فى ماتش افتكرتة عاوز اتفرج علية
وبعد ساعة من انتهاء الغدا ولبس ينزلو السيارة
...... فى الهايبر ماركت.........
الام : ياهناء هاتى تروللى كمان واحد مش هيكفي
هناء طيب ياماما
الام والبنت كل واحده فيهم بتزق فى تروللى والاب وعياله ماشين وراهم
وهنعد ل3 وهتنطلق الاسرة بعدها تجيب طلباتها وبعد ساعتين من اللف المضنى والمتعب
الواد محمد: ماما انا تعبت هنمشي امتى بقى
الام: هو احنا لحقنا لسه فى حاجات عاوزة اجيبها
الاب :لية ناقصك اية تانى ده التروللى بتاعك انتى وبنتك مفيهوش مكان
هناء ترد: لسه المكسرات يابابا
الأب : احنا جبنا المكسرات
الام: لا انا جبت مكسرات الحلويات بس باقي الكاجو والفستق والسودانى الى هنجيبهم عشان واحنا بنتفرج عالمسلسلات بعد الفطار
الاب يهز راسة كأنه فهم
ستوب ممكن ننزل تحت الشوية المخرج هيقول ملحوظه وتعليق
:
:................>>>>>>ملحوظة>>>> بعد الفطار الناس بتصلى التراويح وشكرا..........
المخرج: تبقى فكرونا بعد مانخلص تصوير ننزل نجيب حاجات رمضان مش هنلاقي كدا حاجة نجيبها واكشن
وبعد اللف اربع ساعات متواصله ويأذن المغرب والعشا عليهم وهم مستمرين
ولحظة الاخيرة ,,,,,,,,,,,,,, اخيرا اخدو دورهم العشرين فى الكاشير)
وصلو للكاشير والام مش قادرة تقف ويبتدى لحظة الحسااب
التعليقات
RSS feed for comments to this post